最近南美疫情好嚴峻，好多朋友同讀者都關心我既安全，首先我要多謝大家嘅關心先，因為其實我已經返左香港一個幾月。至於點解咁耐冇出po，一來係因為原定既計劃未能夠順利完成，心裡面始終有點遺憾；二來係闊別一年，再親身見證香港而家既情況，實在有百般的絕望。
由玻利維亞返香港既過程實在係令人十分疲累同氣餒，由六月初話宣佈恢復返航班，買晒機票後政府忽然取消晒國內線，我就揸住張飛美國機票，但冇巴士冇飛機去我出發既機場，周圍奔波了三日終於搵到一架有permit又願意載我地既私家車，但又差d因為拎唔到健康證明而開唔到車。好啦坐左10個鐘終於去到出發既城市，不過因為嚴重既疫情只好係bnb閉關一星期，中間由Miami返香港班機因為取消左，又要臨急臨忙買過張機票。
當日delay兩個鐘後終於成功起飛由Santa Cruz去到Miami，但要係Miami留一晚等第二日轉內陸機飛LA，真係好多美國人唔戴口罩fucking crazy。上飛機好似全身武裝去打仗咁（雖然真係），仲要班機鬼死咁full！去到LA後要再等12個鐘先轉到機返香港，由於LA已經lock down，所以機場咩都冇，好在係玻利維亞個陣買定兩包餅乾，至少唔會餓死。望住個天由光轉暗睇左唔知幾多集劇終於聽到可以check in。好在由LA可以直飛香港，睇戲食野訓覺無限loop左14個鐘之後，我終於從飛機窗見到好耐冇見既香港。
以為用左3日返到黎可以好好休息？錯啦其係喺亞博個段時間先係最辛苦，得以前考試試場d枱凳，再加兩件難食凍冰冰三文治，然後就係8小時無盡的等待。不過其實而家諗返都算幸運，起碼唔係方艙...
Anyway，我其實只係想同大家講聲，我而家安安全全同健健康康，大家都要一齊stay health，等待機會再飛過！
#浩能想環遊世界 #未完
Search